La Llastra y L´Escanu
La Llastra obviamente nun s´opón
a dotar d´un accesu dignu a los ciudadanos al arenal del Escanu de Llastres, en condiciones de seguridá y comodidá y como asociación por supuestu que deseamos el bien del pueblu de Llastres y los sos ciudadanos y ciudadanes.
Efectivamente, La Llastra nun existía nel añu 2017 cuandu s´aprueba´l proyectu de rampla, pero sí qu´existe anguañu y al comprobar qu´hai un error nel proyectu, intentamos que s´aclare entantes de que se faiga un dañu irreparable al patrimoniu de Llastres.
Que les coses qu´afecten al pueblu y al conceyu se piensen, se comprueben y se discutan buscando la meyor solución nun se tien que ver como una amenaza o rechazu a naide sinon como una manera d´asegurase de que nun se comete nenguna imprudencia o irregularidá, y de que son buenes decisiones duraderes nel tiempu pa toos y toes.
El proyectu al que
tuvo accesu la Llastra nun tien informe de la Conseyería de Cultura.
La muria afectada ta dientro del
conxuntu hestóricu de Llastres, ésti ye bien integrante del patrimoniu cultural
d´Asturies y cualquier actuación nesti patrimoniu necesita de l´aprobación
expresa de la Conseyería de Cultura, y nun hai informe de cultura.
La Llastra presenta una
denuncia pa paralizar el proyectu actual de la construcción de la rampla cola
intención de que la Conseyería de Cultura se manifieste y d´esta manera que se
mos asegure que se cumplan tolos protocolos de protección del muelle Llastrín.
Si Patrimoniu comunica que dicha muria nun necesita protección y que tou ye correctu nesti proyectu naide tendrá nada más que dicir... y si establez que sí se tien que protexer habrá que modificar dichu proyectu. Poro, naguamos por una respuesta qu´aclare estes duldes que nós plantegamos.
Nes semeyes que presentamos darréu mostramos ónde se pue observar L´Escanu dientro de la llinea del Cascu Hestóricu de Llastres catalogáu como Bien cultural y ufiertamos el link pa que cada ún lo pueda comprobar.
Carrandi planu
Pivierda planu
