Quiénes somos

La Llastra somos un grupu de persones que viven en Colunga o que tienen fuertes vínculos col conceyu y que simplemente quieren trabayar por ameyorar la vida y el mediu ambiente colungués. Pa ello, creemos necesariu tomar participación activa nel curiáu del mediu ambiente, ellí onde los medios públicos nun lleguen, ayudando a caltener la naturaleza lo meyor posible. Tamién, tamos convencíos de que si non curiamos meyor les tradiciones, éstes van desaniciase pocu a pocu pola globalización y pola desidia... poro, tenemos l´enfotu de sofitar, curiar, recuperar y promover los elementos tradicionales de la cultura colunguesa en toles sos expresiones. Amás, queremos contribuir con nueves idees y actividaes a que la vida nel conceyu seya más plural y tratar d´ufiertar actividaes qu´hasta esti momentu nun tuviéremos o que desapaecieren nel pasáu.