10/01/20 Unes cuantes palabres atropaes nes caberes selmanes pel conceyu:
- "Obleru": estremu d´una guiyá onde s´asitia una punta que sirve pa facer que les vaques tornen pa onde ún quier.
- "Xostru": que tien una forma irregular o pocu atractiva. Una persona pue ser un xostru, un palu pocu curiosu..
-"Encesu-a-o": que ta prendíu/a. Una chimenea, un fueu...
-"Calieru": lugar onde se producía cal pa usar nos campos o na construcción.
-"Afalagar": animar a daquién a facer dalgo.
-"Al debalu": Ensin xacíu, ensin orientación.
2/10/19 Otra palabra que sentimos a otru vecín esti día ye la d´"ataxar". Pa refirise a "pesllar una puerta dafechamente". Cuando mos dixo: "Atáxotela puerta yo".
A parte d´otres noticies, nesta sección vamos centranos en compartir pallabres n´asturianu que sentimos a los nuesos vecinos.
Estes pallabres tan ente nós y ye buenu compartiles p´acabar con esos mitos de "esi asturianu nun existe" o "eso solo ta nos llibros".
"Cantiles": Charrando con un vecín de Lluces, de la que comentábemos sobre sitios de la costa de Llastres y de Colunga, pa referise a les zones de la costa que tan formaes por muries de roca verticales.
Esta ye la toponimia aprobada pel Conceyu Colunga y espublizada oficialmente nel BOPA´l 21 Avientu 2006, toponimia que nun respeten entidaes bancaries, empreses d´electricidá, Google maps... y que siguen castellanizando los nomes de llugar asturianos.
No hay comentarios:
Publicar un comentario